Mundësia e Lyonit, sonte

Ekipi i Remi Garde, Olympique Lyon, ka mundësi që sonte të dalë në vendin e parë të Ligue 1, nëse arrin fitore ndaj Valenciennes si mysafir. 

Në fakt lionezët këtë mund ta arrijnë edhe me një pikë të fituar në ndeshje, pasi që kanë pikë të barabarta me Paris Saint Germainin në krye të tabelës. 

Mirëpo, çështja është se PSG do ta pret Lille-in në Parc des Princes të dielën dhe mundësitë për të humbur pikë janë më të mëdha për parisienët. Për këtë arsye ndeshja e sontme, që hap javën e XXII të Ligue 1 ndërmjet Valenciennes dhe Lyon shihet si mundësi ideale për ekipin nga juglindja. Ndeshja fillon në ora 20:30.