Mundësia për t’u bërë lider

Një rezultat pak më ndryshe i Gjilanit në përballje ndaj Vllaznisë së Pozharanit dhe fitorja potenciale e Prishtinës ndaj Besës, do t’i bënte bardhekaltërit liderë të klasifikimit të Superligës në fund të ciklit të parë të ndeshjeve të Superligës, kompletimin e 11 xhirove të para.

Krejt kjo falë fitores së Lirisë dje ndaj Llapit, që hapi rrugë për 2 skuadra të synojnë kreun e tabelës në fund të kësaj xhiroje.

E mirë kjo për t’u menduar për djelmoshat e Mirel Josës, por në fushë duhet luftuar e kërkuar, gjë që shumë e mirë e bëjnë edhe të rinjtë e Besës, të cilët kanë befasuar shumë skuadra këtë stinor, kur kihet parasysh se në fillim të stinorit llogariteshin si autsajderë kryesorë të elitës.

TABELA AKTUALE

Prishtina po kërkon sot fitoren e tretë me radhë në Superligë, ndërsa Besa të parën jashtë terrenit të vet. Ndeshja nis në ora 14:00 dhe zhvillohet në Rexhep Rexhepi të Gllogocit me gjyqtar kryesor, Leutrim Mustafën.

Përndryshe, dueli Prishtina-Besa është dueli i dy kampionëve më të shpeshtë të Kosovës së pasluftës, ku bardhekaltërit nga kryeqyteti kanë marrë 7 tituj, ndërsa të kuqtë e Pejës, 3.