GJILANI
Munishi tregon kapitenin e ardhshëm të Gjilanit
4 June, 2021 @18:36
Trajneri i Gjilanit, Ismet Munishi, e ka ngritur në qiell futbollistin e tij, Edison Kqiku.
Paraqitjet e mira në ndeshjet e fundit dhe sidomos në atë të djeshmen përballë Kosovës U21 ku shënoi edhe gol, ka bërë që Munishi ta cilësojë Kqikun si kapiten i ardhshëm i Gjilanit.
“Edison Kqiku kapiteni i ardhshëm i SC Gjilanit. Mbani në mend mirë këtë emër. Ishte lider dhe shënoi në minutat e fundit shtesë në duelin me Kosovën U21. Dhe na dha atë që futbolli e jep gjithmonë - pasionin për lojën dhe fitoren”, ka shkruar Munishi në një postim të tij në Facebook.
Kujtojmë që 22-vjeçari Kqiku javën e kaluar ishte blinduar nga skuadra e skifterave, duke nënshkruar kontratë të re 3-vjeçare me Gjilanin.
