Muntari vazhdon me Milanin

Skuadra nga San Siro, Milan, ka konfirmuar sot se ka vazhduar kontratën me ganezin, Sulley Muntari, edhe për dy vitet e ardhshme. 

Muntari do të jetë lojtar i Milanit deri në qershor të vitit 2016. Ai kishte ardhur te Rossonerët nga rivali lokal, Inter, si huazim, para se të nënshkruaj kontratë afatgjate me kuqezinjtë. 

Kontrata e Muntarit me Milanin skadonte në fund të stinorit të ardhshëm 2014/15, mirëpo me të parë drejtuesit Rossoner paraqitjen e 28 vjeçarit me Ganën në Kampionatin Botëror, kanë vendosur që ta sigurojnë lojtarin ashtu që të mos u ik nga dora pa dëmshpërblim.