RIZESPOR - AKHISARSPOR
Foto: RizeSporOfficial
Muriqi gol, Rize del nga zona e rrezikshme
27 January, 2019 @18:18
Vedat Muriqi ka vazhduar me formë të mirë në Superligë të Turqisë dhe sot ka shënuar golin e radhës aty.
Ekipi i Muriqit, Rizespor ishte në disavantazh pas pjesës së parë në duel me ekipin e Akhisarit [0-1].
Mirëpo, në pjesë të dytë pasi që Dario Melnjak barazoi 1-1, ka qenë Muriqi që i dha avantazhin ekipit të tij duke shënuar në minutën e 72-të të ndeshjes për 2-1.
Pas kësaj, edhe Prejuce Nakoulma shënoi dhe Rize fitoi 3-1 në fund.
Kjo fitore ka çuar Rizen nga fundi i klasifikimit në pozitën e 15. Rize ka 18 pikë nga 19 ndeshje në Superligë, një më shumë sesa Erzurum dhe Akhisar që kanë nga 19 ndeshje dhe një më shumë sesa Fenerbahçe që ka 18 ndeshje të zhvilluara.
TABELA AKTUALE, pjesa e poshtme
| 14. | Ankaragucu | 18 ndeshje | 20 pikë |
| 15. | Rizespor | 19 ndeshje | 18 pikë |
| 16. | Erzurumspor | 19 ndeshje | 17 pikë |
| 17. | Fenerbahçe | 18 ndeshje | 17 pikë |
| 18. | Akhisarspor | 19 ndeshje | 17 pikë |
| INFO TABELA: Pozitat 16, 17 dhe 18, bien direkt nga Superliga e Turqisë. |
GOLAT E Vedat Muriqit:
| 1 | Vedat Muriqi ka shënuar gjashtë gola këtë stinor në Superligën turke. |
