BESA KAVAJË - GJILANI
Gjilani fiton testin e dytë miqësor
26 January, 2019 @17:12
Skuadra që përfundoi vjeshtën në pozitë të katërt të Superligës, Gjilani, ka shënuar fitore në miqësoren e dytë të saj të zhvilluar në Durrës, ku ekipi po përgatitet për pjesën pranverore të stinorit.
Gjilani ka mposhtur Besën e Kavajës me rezultat minimal 1-0, derisa trajneri Sadat Pajaziti i ka dhënë rastin shumë lojtarëve të provohen në këtë miqësore.
Golin e vetëm dhe të fitores për ekipin e Pajazitit e shënoi Shpend Asani.
Dueli i radhës miqësor për Gjilanin luhet të martën më 29 janar, ndaj Trepçës së Mitrovicës.
