VEDAT MURIQI
Muriqi: Momenti për fitore
11 November, 2017 @17:25
Sulmuesi shtatëgjatë i Kosovës, Vedat Muriqi, në deklaratën e tij para ndeshjes ndaj Letonisë ka thënë se ka ardhur momenti që Kosova të shënojë fitore.
“Ka ardhë momenti që të shënojmë fitore dhe për këtë gjë po punojmë me shumë përkushtim,” ka thënë sulmuesi që mbron ngjyrat e Gençlerbirligit në Superligën turke.
“Si grup po angazhohemi që të bëjmë më të mirën dhe të krijojmë lojën tonë që të arrijmë sukses,” ka shtuar prizrenasi Muriqi për faqen zyrtare të FFK-së.
Kosova të hënën më 13 nëntor me fillim prej orës 19:30 pret Letoninë në Adem Jashari të Mitrovicës.
