SHKODRAN MUSTAFI
Mustafi mendon për Bundesligan
12 March, 2014 @17:47
Futbollisti i Sampdorias, Shkodran Mustafi, dëshiron që në të ardhmen të ketë përvojë në Bundesliga.
”Çka do të bëj në të ardhmen? Bundesliga është njëri prej objektivave,” tha ndër tjerash Mustafi për të përditshmen gjermane, Bild, duke shtuar se kishte vendosur të largohet nga Gjermania pasi ofertat atje ishin shumë të ulëta për të.
Mustafi karrierën profesionale e ka filluar në vitin 2007 te ekipi i të rinjëve të Hamburgut, por nuk ka luajtur kurrë në Bundesliga. Ai në vitin 2009 kaloi në Everton, prej nga u transferua në Sampdoria më 2012.
Futbollisiti 21 vjeçar është duke kaluar një stinor shumë të mirë te ekipi nga Serie A, e kjo i ka rënë në sy edhe selektorit gjerman Joachim Low, i cili e ftoi në përfaqësuesen e Gjermanisë.
