ALBIAN MUZAQI
Muzaqi debuton me gol
22 January, 2015 @13:04
Futbollisti shqiptar, Albian Muzaqi, ka debutuar në mënyrën më të mirë për skuadrën e tij të re, Cercle Brugge.
Sulmuesi 21 vjeçar në debutimin e tij për Cerclen, arriti ta shënojë emrin e tij në listën e golashënuesve.
Muzaqi shënoi golin e parë të ndeshjes në minutën 67’ në përballje me skuadrën Sporting Charleroi, në kuadër të Kupës së Belgjikës, ndërsa këtë takim ai e filloi që nga minuta e parë.
Albiani është huazuar në Cercle Brugge nga skuadra KRC Genk.
