Napoli kalon Swansean

Skuadra e Valon Behramit dhe Blerim Dzemailit ka shënuar fitore në ndeshjen vendimtare për kualifikim në 1/8 e finales në Europa League, duke e mposhtur ekipin nga Premier League, Swansea City.

Napolitanët fituar me rezultat 3-1 duke iu revanshuar uellsianëve për ndeshjen e parë që kishte përfunduar pa gola 0-0.

Mesfushori në formë, Lorenzo Insigne, shënoi golin e parë për Napolin në minutën 17’, kurse më pas Jonathan de Guzman e barazoi për rezultatin 1-1 në minutën 30’.

Rezultati i barabartë zgjati deri në minutën 78’ kur argjentinasi Gonzalo Higuain e kaloi në epërsi skuadrën e tij.

Në minutat e fundit të ndeshjes shpërtheu festa e tifozëve vendas me golin përfundimtar të Gokhan Inlerit.

Në këtë përballje Valon Behrami luajti gjatë gjithë ndeshjes, kurse Blerim Dzemaili e përcjelli lojën nga banka rezerve.

Kundërshtari i radhës i Napolit do të jetë skuadra portugeze, Porto.