Nazmi Gripshi prezantohet si lojtar i ri i Astanës

Futbollisti i deritashëm i Ballkanit, Nazmi Gripshi, edhe zyrtarisht u prezantua si lojtar i ri i ekipit nga Kazakistani, FC Astana. Ai dje u zyrtarizua nga klubi kazak, ndërsa 26 vjeçari siç dihet luan në pozitën e mesfushorit ofanziv por mund të luajë edhe si sulmues krahu.

Gripshi, që u bë kampion me Ballkanin në Superligë të Kosovës ka qenë njëri ndër futbollistët kyq të Ilir Dajës aty, ndërsa Astana ka bërë të ditur se ka nënshkruar kontratë dy vjeçare me mesfushorin durrësak. Për Ballkanin, Gripshi ka shënuar në total 31 gola dhe ka bërë 25 asistime.