Ndeshja 700 milionëshe, sonte

Derbi i kreut të tabelës së Premier League që luhet sonte ndërmjet Manchester Cityt dhe Chelseat në stadiumin Etihad të Manchesterit pritet të përcillet nga mbi 100 milionë shikues në mbarë botën. 

Kjo ndeshje është llogaritur të jetë ndeshja më e shtrenjtë në futbollin britanik, pasi që vlera e dy skuadrave sa i përket lojtarëve është 700 milionë funta. 

Derisa Manchester City ka 360 milionë funta lojtarë të vlefshëm në skuadër, ata të Chelseat kushtojnë 340 milionë - që bashkë bëjnë 700 milionë. 

Ndërsa sa i përket investimeve të deritashme, sipas Daily Express, Sheikh Mansour i Cityt ka shpenzuar 1 miliard funta që nga viti 2008 kur e morri pronësinë e klubit të kaltër të Manchesterit, derisa Roman Abramovich ka harxhuar 2 miliardë funta që nga viti 2003 për ekipin e tij. 

Ndeshja e shtrenjtë nis sonte nga ora 21:00.