E FUNDIT
Ndeshja e tretë e “Boxing Day” që shtyhet në PremierLigë
24 December, 2021 @13:16
Pas ndeshjeve të shtyera ndërmjet Liverpool - Leeds dhe Wolves - Watford për shkak të rasteve të shumta me COVID-19 në Angli, sot është bërë e ditur se është shtyer edhe ndeshja në mes të Burnley - Everton.
Kështu, tre prej ndeshjeve të datës 26 dhjetor 2021, në atë që njihet si Boxing Day, janë shtyer për shkak të shpërthimit të versionit të ri të coronavirusit.
“Vendimi është marrë në mëngjesin e sotëm nga Bordi i PL, ditë më parë, ashtu që të kenë të qartë tifozët dhe klubet e ekipeve gjithçka paar ndeshjes,” ka thënë ndër të tjera njoftimi i lëshuar nga Premier Liga.
