Në Gjilan nis xhiroja e radhës

Sot janë bërë të ditura ditët e ndeshjeve të xhiros së shtatë të Superligës së Kosovës. Në Gjilan do të zhvillohet ndeshja hapëse e xhiros ku takohen Drita në krizë dhe Hajvalia lidere, që është në formë të jashtëzakonshme dhe do të ketë transmetim të drejtpërdrejtë në Supersport Kosova. 

Të shtunën zhvillohen dy ndeshje, ku Llamkos Kosova kundër Trepçës’89 (ka transmetim në Supersport Kosova) llogaritet të jetë ndeshja më interesante e javës, ku kampionët aktual nga Vushtrria janë vendas. Derisa ndeshja tjetër e së shtunës luhet në Skenderaj, ku Drenica pret Istogun e këndellur me trajnerin e ri të saj, Nazmi Rama. 

Të dielën më 28 shtator zhvillohen tre ndeshjet përfundimtare të xhiros, ku në Gjakovë Vëllaznimi pret Ferronikelin (ka transmetim në Supersport Kosova), në derbin e pjesës  së epërme të tabelës, derisa Prishtina udhëton në Mitrovicë për tu përballur me Trepçën, rivalin e vjetër. 

Ferizaji, i ngujuar në fund të tabelës do të kërkojë pikë si vendas ndaj Besës, e cila po tregon shenja këndelljeje nën drejtimin e Arbnor Morinës. 

REZULTATET, TABELA DHE NDESHJET E RADHËS

Orari i xhiros së shtatë: