MERKATO
Në kërkim të spanjollit
17 February, 2016 @15:44
Zërat për ardhjen e Mourinhos te United duket se nuk janë lajme të mira për të gjithë. Ishte pikërisht Jose Mourinho, ai i cili largoi nga Chelsea mesfushorin Juan Mata, përkundër faktit që ky i fundit në sezonin paraprak ishte shpallur lojtari i vitit tek klubi londinez. Dhe një emërim i portugezit në stolin e Manchester United mund të nënkuptonte një largim të Juan Matas nga Old Trafford.
Skuadra më e interesuar për shërbimet e spanjollit thuhet të jetë Atletico Madrid. Kështu raporton tabloidi Bleacher Report. Shuma e ofruar nga Atletico Madrid pritet të jetë afro 35 milionë funte dhe nëse Mourinho emërohet trajner i United, kjo shumë mund të jetë bindëse për drejtuesit e United.
Se çfarë do të ndodhë, mbetet të shihet gjatë verës.
