Në pritje të Alexisit

Pas deklaratave të djeshme të trajnerit të Arsenalit, Arsene Wenger, shpejt pritet të bëhet përfundimtar lajmi se Alexis Sanchez do të bëhet lojtar i ri i Manchester Unitedit.

“Kam punuar mbi 30 vite me transfere të lojtarëve dhe është e mundshme që ndodh, edhepse ka gjasa që të mos ndodh,” kanë qenë fjalët e Wengerit në konferencën për shtyp, dje.

Sulmuesi 29 vjeçar nga Kili, të cilit i skadon këtë verë kontrata me Arsenalin është shumë i kërkuar në tregun anglez, ndërsa United duket se është favorit për marrjen e nënshkrimit të tij.

Wenger ndër të tjera ka bërë të ditur se në marrëveshje për shitjen e Sanchezit drejt Unitedit është i përfshirë edhe opcioni Henrikh Mkhitaryan drejt Arsenalit.

Ndërkaq, mediat britanike bëjnë të ditur se zyrtarizimi i kilianit është vetëm çështje kohe.