Nesër oferta nga City! Cristiano në Manchester

Tashmë gjithçka po shkon drejt finalizimit, derisa afati kalimtar veror i futbollistëve në Evropë po afron ditët e fundit, pritet të ndodhin edhe një apo dy “bomba” të sekondave përfundimtare.

Pos Kylian Mbappes që po i afrohet shumë Real Madridit, ylli portguez i Juventusit Cristiano Ronaldo është shumë afër kalimit te Manchester City.

Ndërsa raportimi i fundit i italianit të njohur për transfere, Gianluca Di Marzio, thotë se Manchester City nesër do të bëj ofertë zyrtare prej 30 milionë eurove në drejtim të Juventusit për t’ia blerë super yllin e skuadrës.

Mos arritja e blerjes së Harry Kane, ka lënë Manchester Cityn me sulmues të vetëm Gabriel Jesus, që gjithmonë ka qenë rezervë i Sergio Agueros. Ndërsa tash Pep Guardiola dëshiron të bëj lëvizjen e fundit, që të sigurojë një superyll për të bërë ekipin atomik për sezonin 2021/22.

E premtja pritet të jetë e zjarrtë në afatin kalimtar dhe gjithçka do të qartësohet brenda ditëve në vijim.