MARCA
Mbappe - menjëherë te Real Madrid
26 August, 2021 @23:45
Nënshkrim i menjëhershëm dhe zyrtarizimi mund të bëhet që nesër. Ky është lajmi i fundit që ka shkruar Marca, e afërt me Real Madridin, ndërsa Kylian Mbappe pritet t’i bashkohet klubit mbretëror nga PSG-ja.
Propozimi i fundit i madrilenëve ka kapur shifrën prej 170 milionë eurove, ndërsa Mbappe mund të mbetet i lirë që në janar të 2022-tës, por gjithçka po zhvillohet shpejt dhe refuzimi i gjashtë ofertave nga PSG-ja kanë çuar në këtë vendim!
Pos 170 milionëve, Real ka shtuar edhe një 10 milionësh tjetër si bonus për parisienët, nëse arrin disa pika me Mbappen.
“E vetmja që ka mbetur të konfirmoj kalimin e Mbappes është e nesërmja. Kjo pasi që nesër kuptohet nëse Mbappe do të jetë në listën e ekipit të Mauricio Pochettinos për ndeshje ndaj Reimsit,” ka shkruar ndër të tjera Marca, pasi që shefi ekzekutiv i PSG-së, Nasser Al Khelaifi ka dhënë sinjale të mos ndalimit të lojtarit dhe nuk ka konfirmuar mos largimin e sulmuesit të Francës nga skuadra.
Ndërsa përfaqësuesi i Real Madridit në shortin për Ligën e Kampionëve sonte, Emilio Butragueno ka thënë: “Nuk mund të them asgjë tash. Duhet të jeni të qetë dhe të prisni. Kemi ekip madhështor.”