Newcastle më në fund fiton

​Ekipi i udhëhequr nga Alan Pardew më në fund ka arritur t’i kthehet fitoreve. Newcastle ka shënuar fitore tejet të rëndësishme sonte në ndeshjen e mbetur të xhiros së XV të Premier League ndaj Wiganit 3-0. 

Ka qenë sulmuesi kryesor i tyre, Demba Ba, i cili ka inspiruar fitoren e laraskave me dy gola të shënuara. Golin tjetër e ka shënuar Gael Bigirimana nga Burundi, i cili ka hyrë si zëvendësues sonte. 

Me këtë fitore Newcastle ka dalë në vendin e 14 dhe ka 17 pikë të tubuara. Tre më pak ka Wigan, të cilët u mposhtën sonte dhe gjenden në pozitën e 16 të renditjes tabelare në Angli. Wigan që prej minutës së 12 ka luajtur me një lojtar më pak, pas përjashtimit me karton të kuq të mbrojtësit Maynor Figueroa, që shkaktoi edhe penallti, prej nga realizoi golin e parë Demba Ba. 

REZULTATI DHE GOLASHËNUESIT: 

Newcastle United - Wigan Athletic 3-0 (Ba 13, 21, Bigirimana 71)