JANUZAJ
Nga zero në hero
11 October, 2013 @9:56
Portali zyrtar i shtëpisë së futbollit europian, uefa.com, në artikullin e sotshëm lidhur me futbollistët dhe ekipet që lanë shenjë në javën e kaluar, ka futur edhe kosovarin Adnan Januzaj.
“Vetëm një javë më parë, Januzaj ende nuk ia kishte nisur nga fillimi një ndeshjeje profesionale si futbollist. Brenda disa ditëve ai u bë i njohur në tërë botën, pas debutimit fantastik në ndeshjen Sunderland-Manchester United. United, që filloi ngadalshëm këtë stinor, ishte në disavantazh, por krahu 18 vjeçar ua nxorri ditën duke shënuar dy herë, njëra prej të cilave volej i mrekullueshëm,” shkruan UEFA-ja në komentin e saj sot, derisa citon edhe mesfushorin me përvojë të skuadrës Michael Carrick.
“Kemi pse t’i falenderohemi. Ato kanë qenë përfundime shumë të mira nga Januzaj. Ai ka qëndrueshmëri dhe aftësi të jashtëzakonshme. Duket si lojtar i vërtetë,” ka thënë Carrick për Januzajn, citon UEFA-ja.
Adnan Januzaj pas këtyre golave fitoi aq famë sa që përveç Belgjikës dhe Shqipërisë, atij si ftesa për kombëtare i erdhën edhe nga Anglia, Turqia, Kroacia e edhe Serbia.
