DRENAS
Nikli përmbys Besën
4 May, 2016 @16:30
Megjithëse ishte në disavantazh, skuadra e Ferronikelit arriti ta përmbys rezultatin për të festuar në fund në ndeshjen e sotme kundër Besës.
Ekipi pejan kaloi në epërsi në minutën 39’ me golin e Diar Miftarajt nga penalltia, që ishte edhe goli i vetëm në pjesën e parë.
Por në pjesën e dytë kampionët aktual treguan lojë shumë më të mirë, duke shënuar tre herë.
Së pari ish lojtari i Besës, Mark Milicaj, e barazoi rezultatin në 1-1 nga goditja e lirë, ndërsa më pas golat e Mendurim Hotit dhe Përparim Livorekës, sjellën fitoren për skuadrën e trajnerit Afrim Tovërlani.
Me këtë fitore, Ferronikeli vazhdon të mbetet në krye të radhitjes tabelar, duke ruajtur epërsinë prej 7 pikëve ndaj ndjekësit më të afërt, kurse Besa mbetet në 44 pikë të tubuara deri më tani.
