Chelsea me fanella të reja dhe të shtrenjta

Chelsea, tashmë ish kampioni i Anglisë, ka prezentuar sot fanellat e reja të klubit për stinorin e ri 2016/17.

Mirëpo, anash dizajnit, çmimi i fanellave është treguar të jetë shumë i shtrenjtë që ka marrë reagim të madh si nga analistët e futbollit në Britani të Madhe ashtu edhe nga vetë tifozët.

Për të blerë një fanellë të Chelseat me emër, numër dhe llogo të Premier Ligës në te - çmimi është 106.95 funta. Nëse kësaj i shtohen edhe brekët dhe çorapet, çmimi shkon në 149.95 funta.

Mediat angleze kanë krahasuar këtë çmim me biletën sezonale të Barcelonës në Camp Nou që për 19 ndesjhe në La Liga kushton 74 funta.