Një ditë, përsëri së bashku me vëllaun

Faqja zyrtare e Ligës së Kampionëve në Facebook, ka zgjedhur futbollistin e kombëtares shqiptare dhe të skuadrës së Baselit, Taulant Xhakën, të cilit adhuruesit i kanë shtruar pyetje të ndryshme, derisa Taulanti është përgjigjur me sinqeritet.

Më poshtë mund t’i lexoni disa nga pyetjet për të cilat është përgjigjur 23 vjeçari.

- A mund ta përshkruash me një fjalë të vetëm, cila është gjëja më e rëndësishme për një lojtar që duhet ta ketë?

Taulant Xhaka: “Futbolli modern në ditët e sotme është shumë i fuqishëm, kështu që duhet të ketë aftësi fizike për të treguar performancë në nivel të lartë për 90 minuta.”

- Përshkruaje veten me një fjalë.

Taulant Xhaka: “Xhoker! Njeri praktik. Njeri qesharak.”

- Cilët janë dy futbollistët që mendon se janë më të mirët në të gjitha kohërat?

Taulant Xhaka: “Zinedine Zidane dhe Cafu. Zidane, sepse dihet për teknikën e tij të madhe dhe aftësitë e tij për ta ndryshuar ndeshjen. Cafu, sepse ai është mbrojtësi i krahut të djathtë më i mirë në histori.”

- Goli më i rëndësishëm që ke shënuar?

Taulant Xhaka: “Unë nuk shënojë shumë gola pasi që luaj në një rol defansiv, por goli më i paharruar i imi është kur shënova kundër skuadrës Thun në Ligën zvicerane. Ishte një goditje ambicioze nga rreth 20 metra.

- Cilët janë momentet më të mira me Baselin dhe Zvicrën? 

Taulant Xhaka: “Momentet më të mira me Baselin kanë qenë fitoret kundër Chelseat dhe Liverpoolit. Sidomos në Liverpool këtë stinor. Ka qenë e shkëlqyer pasi Anfield është një fushë e veçantë dhe atmosfera ka qenë mbreslënëse.

- Cili është hobi yt i preferuar kur nuk luan futboll?

Taulant Xhaka: “Pëlqej të kalojë kohën me familje kur i kam pranë, e shpesh edhe tek vëllau im në Gjermani. Më pëlqen gjithashtu të kalojë kohën me bashkëlojtarët dhe shokët e mi, duke luajtur pingpong, gjë që e dua. Pëlqej të shkojë në kinema dhe të relaksohem në përgjithësi.”

- Si ishte të luash në Anfield?

Taulant Xhaka: “Liverpooli ka tifoz të mrekullueshëm. Anfield gjithashtu është mahnitës. Atmosfera, ambienti, ‘Never Walk Alone’ para fishkëllimës së parë... këto janë momente të veçanta. Edhe nëse fitojnë apo humbin, tifozët janë gjithmonë pranë ekipit të tyre. Të luash kundër Steven Gerrardit ishte diçka e shkëlqyer.”

- A dëshiron të luash së bashku me vëllaun përsëri?

Taulant Xhaka: “Synimi im i fundit definitivisht është të luajë me vëllaun tim përsëri. Nuk e di kur dhe ku, në cilën skuadër. Sido që të jetë, do të ishte e shkëlqyer. Do të ishte fantastike nëse që të dy do të luanim për Baselin përsëri.”

- Cili është futbollisti më i mirë për momentin sipas teje?

Taulant Xhaka: “Lojtari më i mirë për tani është Cristiano Ronaldo sepse ai është duke shënuar mesatarisht dy gola për ndeshje. Ai është një futbollist i kompletuar.”

- Cilat janë gjërat që të pëlqejnë në Basel?

Taulant Xhaka: “Unë veçanërisht e pëlqej atmosferën në stadium. Njerëzit në klub, bashkëlojtarët, si dhe të gjithë përreth klubit. Këtu jemi si një familje e madhe. Ju mund të ndjeheni vetëm mirë derisa luani për Baselin.”