PORTUGALIA
Një pikë larg Francës
8 September, 2015 @14:50
Përzgjedhësi i kombëtares portugeze, Fernando Santos, ka marrë atë që ka kërkuar mbrëmë në Elbasan Arena të Elbasanit dhe Portugalia tashmë iu afrua edhe më shumë Europianit, Franca 2016.
Kjo ka motivuar atë edhe më shumë para ndeshjes së radhës që zhvillohet në tetor, ku Portugalia pret Danimarkën në shtëpi.
“Fitorja është gjithmonë e rëndësishme. Ne bëmë një hap tepër të rëndësishëm me fitore, por s’u vendos asgjë ende. Neve na duhet edhe një pikë. Por ne do të tentojmë të mposhtim Danimarkën, edhepse na duhet vetëm një pikë për sigurimin e Europianit,” ka thënë Santos për RTP-në.
Portugalia tashmë u shkëput nga rivalët në Grupin I kualifikues duke mbledhur 15 pikë nga 6 ndeshje dhe duke u forcuar si lider.
