Nuk kam parë dikë si Haaland

Marco Reus në një intervistë për DAZN foli për Haaland dhe formë që po kalon Dortmund.

“Unë kurrë nuk kam parë dikë si Haaland në këtë klub,” tha Reus.

Duke marrë parasysh gjermani ka luajtur së bashku me Robert Lewandowski për dy vjet, me Pierre-Emerick Aubameyang, Paco Alcacer dhe shumë lojtarë të tjerë, kjo deklaratë duhet të jetë e rëndësishme për norvegjezin.
“Haaland është unik. Është ende shumë i ri. Ai është zhvilluar masivisht gjatë gjashtë deri në nëntë muajve të fundit. Ai është duke bërë me të vërtetë mirë me topin në këmbë dhe me një mbrojtës në shpinë”.

Barazimi në Koln e mbajti Dortmund në vendin e pestë në renditjen e Bundesliga , katër pikë prapa Eintracht Frankfurt në vendin e katërt, me të cilët do përballen me tre prill.
“Qëllimi ynë është të jemi në Ligë e Kampionëve edhe sezonin e ardhshëm dhe të fitojmë Kupën DFB”.

Gjermani foli edhe për ndeshjen kundër Manchester Cityt ku tha se nuk ka vend për gabime.
“Gjithçka është akoma e mundur në Ligën e Kampionëve të këtij sezoni. Ne do të duhet të luajmë dy ndeshje në nivelin më të lartë në çerek-finale kundër Manchester City dhe nuk kemi mundësi të bëjmë ndonjë gabim”.