Drejt Tiranës si lidere e grupit!

Pa ndonjë befasi, Anglia ka shënuar fitore të lehtë dhe të thellë ndaj San Marinos, për ta nisur rrugëtimin drejt Botërorit të Katarit me 3 pikë.

Edhe pse jo me 11-shen më të mirë në fushë, sonte Anglia shënoi plot 5 herë (Ward-Prowse 14’, Calvert-Lewin 21’ 53’, Sterling 31’, Watkins 83’) dhe ndeshjen në fund e mbylli me fitore 5-0, për t’u nisur kështu drejt Tiranës si lidere e grupit.

GRUPET KUALIFIKUESE DHE ORARI

Përveç fitores së Anglisë, sonte 3 pikë në këtë grup arkëtoi edhe Shqipëria, pas fitores 0-1 ndaj Andorrës, kurse në ndeshjen tjetër Hungaria barazoi 3-3 ndaj Polonisë.

Ndeshjen e dytë të grupit Anglia e luan ndaj Shqipërisë në Tiranë më 28 mars, kurse San Marino e pret Hungarinë në po të njëjtën datë.