CHELSEA-MANUTD
Nuk mjafton Martial Show në Stamford Bridge
20 October, 2018 @15:04
Anthony Martial shënoi dy gola për t’i afruar ‘djajtë e kuq’ tek fitorja e parë në Stamford Bridge që nga vjeshta e vitit 2012. Vendasit kishin kaluar në epërsi me golin e Antonio Rudiger i cili shmangi markimin e Pogbas për të shënuar në harkimin e Williamit nga korneri, pak pas njëzet minutave lojë.
Francezi barazoi rezultatin dhjetë minuta pas nisjes së pjesës së dytë, para se të shënonte golin e epërsisë çerek ore para përfundimit me një gol të bukur nga jashtë zonës.
Por, fitoren e parë të Jose Mourinhos me Unitedin në ‘Stamford Bridge’ e mohoi Ross Barkley me golin e shënuar në minutën e fundit të kohës shtesë, për rezultatin përfundimtar 2-2.
