NIS ME PORTUGALINË
BOROZANI/D.S.
Orari i ndeshjeve të Shqipërisë për EURO 2016
23 February, 2014 @17:11
Odiseada e Shqipërisë për të kërkuar biletën për Franca 2016 nis në Portugali pranë oqeanit Atlantik. Ndeshja e parë e kombëtares shqiptare zhvillohet më 7 shtator të këtij viti dhe kundërshtari është bartësi dhe favoriti i grupit kualifikues, Portugalia.
Pas ndeshjes së vetme të shtatorit, në dy ndeshjet e tetorit pritet Danimarka me të 11-tin derisa tre ditë më vonë udhëtohet për në Serbi, që mbyll edhe vitin 2014.
Muajt e fundit vendosin
Në ndeshjet e vitit të ardhshëm Shqipëria ia nis me ndeshjen e parë në pranverë, më 29 mars kur e pret Armeninë, derisa ndeshja e dytë shkon larg deri në shtator kur udhëtohet në Danimarkë e pas tre ditësh pritet Portugalia.
Dy ndeshjet e shtatorit, sjellin edhe dy ndeshje tjera në tetor që me fat e shpresë kërkojnë Francën kur kuqezinjtë ndeshen me Serbinë më 8 tetor dhe udhëtojnë në Armeninë e largët më 11 tetor.
Orari i ndeshjeve të Shqipërisë për EURO 2016:
| 7 shtator 2014 | Portugalia-SHQIPËRIA | ||
| 11 tetor 2014 | SHQIPËRIA-Danimarka | ||
| 14 tetor 2014 | Serbia-SHQIPËRIA | ||
| 29 mars 2015 | SHQIPËRIA-Armenia | ||
| 4 shtator 2015 | Danimarka-SHQIPËRIA | ||
| 7 shtator 2015 | SHQIPËRIA-Portugalia | ||
| 8 tetor 2015 | SHQIPËRIA-Serbia | ||
| 11 tetor 2015 | Armenia-SHQIPËRIA |
