Hat-trick i radhës për maestron

Skuadra e Paris St Germainit ka arritur të shënojë edhe një fitore të rëndësishme drejt rrugëtimit të tyre në mbrojtje të titullit të kampionit në Francë. 

Super sulmuesi suedez, Zlatan Ibrahimovic, ka shënuar hat-trick në fitoren e parisienëve, derisa golin tjetër të ekipit e ka shënuar argjentinasi Ezequiel Lavezzi. 

Rezistenca e ekipit vendas ka qenë aktive deri në fund të pjesës së parë, kur ata barazuan rezultatin. Mirëpo, me tën nisur pjesa e dytë ekipi i Laurent Blanc ka vazhduar me gola për të shënuar fitore 2-4 në fund. 

Me këtë fitore parisienët kanë vazhduar rrugëtimin e tyre drejt mbrojtjes së titullit duke mbajtur distancën ndaj përcjellësit kryesor të tyre, Monaco. 

Zlatan Ibrahimovic me hat-trickun e tij të sotëm ka kaluar në kuotën e 22 golave në Ligue 1, derisa rivalët për golashënuesin më të mirë të elitës françeze janë gati 10 gola larg tij. 

Rezultatet dhe tabela aktuale.