DRITA - TREPÇA '89
Pa fitues mes kampionëve të fundit
21 April, 2019 @16:44
Pa fitues është mbyllur dueli i zhvilluar sot mes Dritës dhe Trepçës ‘89, dy kampionëve të fundit të Kosovës në futboll.
Epërsinë të parët e gjetën mysafirët përmes golit të Lassine Traore në minutën e 27’ të ndeshjes, derisa barazimi i vendasve erdhi nga Xhevdet Shabani, i cili shënoi nga gjuajtja e lirë me ndihmën e një devijimi.
Barazimi i sotëm e mban Dritën të qetë në vendin e katërt, kurse mitrovicasve i duhet të luftojnë edhe pak për të mos qenë pjesë e zonës së barazhit në fund të sezonit.
Sa i përket xhiros së ardhshme, Drita i shkon Llapit në Podujevë, kurse Trepça ‘89 e pret në Mitrovicë Lirinë nga Prizreni.
FORMACIONET STARTUESE
| DRITA: Rexhepi, Osmani, Limani, Gërbeshi, Haliti, B.Shabani, Shaqiri, Vucaj, Krasniqi, Xh.Shabani, Haxhimusa. TREPÇA '89: Beqiri, Muja, Asare, Basriu, Mersini, Jashari, Traore, Hoti, Hyseni, Hyshmeri, Manaj. |
