DRENICA - GJILANI
Pa gola në Skenderaj
11 September, 2018 @17:38
Në takimin e luajtur në “Bajram Aliu” të Skenderajt, gola nuk pati, duke bërë që të dyja skuadrat të detyrohen të kënaqen me nga një pikë.
Nga rastet e këtij takimi mund ta përmendim shtyllën e Armend Abazit të vendasve në minutën e 22-të të ndeshjes, ndërsa rast të mirë për Drenicën patën edhe Kreshnik Uka, i cili iu afrua shumë golit në minutën e 72’ të duelit si dhe Taulant Dajaku në minutën e 84’, por megjithatë përkundër dominimit vendas porta e Gjilanit mbeti e paprekur dhe ndeshja u mbyll me rezultatin e bardhë 0-0.
Pas dy fitoreve radhazi, ky është barazimi i parë i Gjilanit sivjet, skuadër kjo që ka një ndeshje më pak të luajtur, kurse për Drenicën kjo është pika e pestë.
FORMACIONET STARTUESE
| Drenica: Ymeri, Pasoma, Sykaj, Bejta, Islamaj, Mustafa, Thaqi, Tahiri, Elshani, Eminhaziri, Abazi. Trajner: Tahir Lushtaku. Gjilani: Kaçiu, Kastrati, Mauricio, Papuqi, Magani, Nika, Kosumi, Jefferson, Sadriu, Caesar, Pepa. Trajner: Sadat Pajaziti. |
