Të gjitha lajmet

ANALIZË

Fitorja 1

Fotografitë: FFK

Fitorja 1

Shkruan: LUAN MORINA

11 September, 2018 @11:10

Ishujt Faroe janë kombëtare që kanë fituar 9 pikë në kualifikimet për Russia2018, aty ku ne fituam vetëm 1 pikë. E vërtetë që kanë pasur ekipe si Letonia e Andorra në grup, por s’ka dyshim që Ishujt Faroe të pesë viteve të fundit nuk ngjanë aspak në Ishujt Faroe të para 15-20 viteve. Kështu dukeshin të hënën kundër Kosovës në stadiumin ‘Fadil Vokrri’.

Kosovo celebration

Ndeshja e parë në stadiumin tonë kombëtar kaloi mirë, me një kulturë sportive për mësysh. Mund të themi që kaluam një sfidë të vështirë organizative, e cila u madhështua nga fitorja e parë në një garë zyrtare e kombëtares tonë.

ORARI I NDESHJEVE, TABELAT dhe GRUPET

Një notë goxha pozitive është strategjia e Bernard Challandes, i cili po bën gjëra goxha të mençura me ekipin tonë. Së pari, për dallim prej ndeshjes në Baku, selektori ynë vendosi Kolollin në të majtë, derisa angazhoi me detyra më defensive edhe Kryeziun edhe Shalën. Kishte raste kur të dy vendoseshin në linjë me Rrahmanin e Alitin, që u mundësonte dyfishimin e krahëve, sidomos në çastet e para të pjesës së dytë të lojës.

Kosovo celebration Atdhe Nuhiu

Edhe një herë pamë aftësinë e Kryeziut për të udhëhequr ekipin, ngjashëm si në Azerbajxhan. Topat e tij të gjatë, lëvizjet e tij në mbulimin e pjesës qendrore dhe defensive të ekipit të kujtonin emra të mëdhenj që kanë luajtur në këtë pozitë. Shumë më i mirë se në Baku ishe edhe Shala. Mbrëmë ai ishte shumë më i kompozuar, më gjakftohtë, dhe përshtatej me detyrat që kishte.

ORARI I NDESHJEVE, TABELAT dhe GRUPET

Diçka që na ka lënë mbresa ndeshjeve të fundit është angazhimi i treshes ‘gjysmë-sulmuese’ në detyrat e mbrojtjes. Edhe Rashica edhe Zeneli nuk hezitonin të ktheheshin për të ndihmuar krahët, sidomos Avdijaj i cili kthehej në kërkim të topit edhe në pozitën e mesfushorëve qendror.

Kosovo fans Nr 9

Pjesa e parë u mor me kujdes, duke mos dashur të rrezikojnë. Pak gjuajtje, shumë harkime. Depërtimet e Vojvodës e Kolollit, në anën e kundërt të harkimit duhej të ishin më të shumta. Nuhiu bëri punë të mirë me këmbë. Goli i tij dëshmon karakterin e krejt ekipit – nuk dorëzoheshim me të humbur posedimin e topit. Ishte një angazhim deri në fund. Me një qasje të këtillë ndaj lojës dhe me gjakftohtësi sikur mbrëmë, mund të arrijmë në Ligën C.

ORARI I NDESHJEVE, TABELAT dhe GRUPET

Goli i Zenelit dëshmoi një armë tjetër që kanë krahët sulmues të ekipit tonë – individualitetin! Përkundër kësaj, tërë ekipi shfaqi lojë ekipore me pasime të shkurtra në të dy krahët e sulmit. Po t’u jepet edhe më shumë liri dhe përkrahje pa top krahëve, do të shohim edhe më shumë kreativitetin e tyre.

Kosovo vs Faroe Islands

Fitorja ndaj Ishujve Faroe, mbi të gjitha mënyra e lojës premton shumë. Tash vjen Malta, e cila duhet respektuar, sidomos me barazimin ndaj Azerbajxhanit. Edhe katër pikë në tetor, me udhëtimin në Ishujt Faroe, dhe gati jemi me një këmbë në Ligën C, dhe aty ku duhet të jemi – në mesin e dyzet ekipeve më të mira në Evropë.
Mbrëmë ka qenë kënaqësi e përgjithshme, si në fushë, si në tribuna!

PREZANTOHET STADIUMI

Sa ulëse e çka tjetër? Detajet e planit të stadiumit kombëtar

14 June, 2019 @14:01

Sot në muzeun e Kosovës u bë prezantimi i projektit për stadiumin e ri të Kosovës, që pritet të ndërtohet.…

FIFA RANKING TOP TEAMS

TOP 10shja pa Gjermaninë, vetëm Portugalia e Spanja ngriten

14 June, 2019 @11:55

Në TOP 10 të renditjes mujore të FIFAs të publikuar sot, katërshja kryesuese nuk ka ndërruar. Belgjika mbetet lidere…

LIGA E KOMBEVE: FINALJA

Portugalia fiton Ligën e Kombeve!

9 June, 2019 @22:38

Portugalia është fituesja e edicionit të parë të Ligës së Kombeve! Pas fitores ndaj Zvicrës në gjysmëfinale, Portugalia fitoi me…

LIGA E KOMBEVE: FINALJA

Portugalia vs. Holanda, 11-shet startuese

Foto: Lissa Harri

9 June, 2019 @20:06

Me fillim nga ora 20:45, sonte mes vete ndeshen Portugalia e Holanda në kuadër të finales së Ligës së Kombeve. …

NATIONS LEAGUE: ZVICRA - ANGLIA

Vendi i tretë i takon Anglisë

9 June, 2019 @17:50

Si pothuajse të gjitha ndeshjet ku skuadrat luftojnë për vendin e tretë në një garë, edhe ndeshja e sotme mes…

Të gjitha lajmet nga Liga e Kombeve