Pa telashe ndaj Cagliarit

Napoli do të mundej të festonte më zhurmshëm sonte në stadium Kupën e Italisë që e fitoi në finale ndaj Fiorentinës. 

Mirëpo, mendja dhe zemra e lojtarëve ishte te tifozi i lënduar në Romë para ndeshjes finale dhe fitorja e sotme iu dedikua atij. Futbollistët i përshëndetën të pranishmit dhe u fotografuan me Kupën italiane para ndeshjes, derisa ekipi i Rafa Benitezit kaloi lehtë kundërshtarin e sotëm, për të përfunduar si i treti kampionatin. 

Blerim Xhemajli ka qenë në formë të jashtëzakonshme duke e testuar dy herë mirë e mirë portierin e Cagliarit, Marco Silvestri, derisa goditi shtyllën dhe pati një rast tepër të mirë - të dyja shutime, para se edhe të shënojë golin e fundit të ndeshjes dhe përfundimtar 3-0. 

Më parë Dries Mertens dhe Goran Pandev kishin shënuar ndaj kundërshtarit, që tashmë ka siguruar mbijetesën, derisa Partonopei kanë shënuar fitoren numër 21 të stinorit duke arritur në kuotën e 72 pikëve. 

Rezultatet dhe tabela aktuale.