Parisi mposht Lyonin në derbi

​Një gol i mesfushorit françez Blaise Matuidi në minutat shtesë të pjesës së parë nga asistimi i suedezit Zlatan Ibrahimovic ka bërë ligën françeze ligën më interesante dhe të paparashikueshme në botë! 

Në fakt Paris St Germain mposhti Olympique Lyonin 1-0 me golin e Matuidit. Mirëpo tash renditja tabelare në Francë është tepër e përafërt, pas XVIII xhirove. Parisi lider ka 35 pikë, sa ka edhe Lyoni por edhe Marseille që gjindet në vendin e tretë të Ligue 1. E vetmja gjë që e ka përcaktuar këtë renditje është golaverazhi, të cilin ekipi nga Parisi e ka më të mirë sesa dy Olimpikët. 

Nëse nuk ndodh ndonjë befasi në xhiron tjetër, Parisi do të përfundojë stinorin vjeshtor si kampion, pasi që kanë golaverazh shumë më të mirë në krahasim me lionezët dhe marsejezët. 

REZULTATI:

Paris St Germain - O. Lyon 1-0