4 SIGUROJNË BILETËN
Pas 4 xhirove, vetëm 4 më të fuqishmit kualifikohen
3 November, 2021 @23:53
Kur kanë mbetur edhe dy xhiro deri në fund të fazës grupore të Ligës së Kampionëve 21/22, vetëm 4 nga 16 skuadra të mundshme kanë siguruar fazën pranverore të garës.
Me sonte kanë përfunduar të gjitha ndeshjet e xhiros së katërt të fazës grupore, ndërsa me duelet e mbrëmshme dhe sot, vetëm katër janë skuadrat që kanë kaluar tutje.
Bayern dhe Juventus këtë e bënë mbrëmë, ndërsa sonte edhe Liverpool e Ajax iu bashkangjitën valles pranverore të “Champions”.
Të katër skuadrat janë skuadrat e vetme që kanë arritur maksimumin e pikëve nga katër ndeshjet e para, duke mos e lëshuar asnjë dhe në total kanë nga 12 secila në grupin përkatës.
TABELAT, PAS 4 XHIROSH:
GRUPI A: City 9p, PSG 8p, Brugge 4p, Leipzig 1p.
GRUPI B: Liverpool 12p, Porto 5p, Atletico 4p, Milan 1p.
GRUPI C: Ajax 12p, Dortmund 6p, Sporting 6p, Besiktas 0p.
GRUPI D: Real Madrid 9p, Inter 7p, Sheriff 6p, Shakhtar 1p.
GRUPI E: Bayern 12p, Barcelona 6p, Benfica 6p, Dynamo Kiev 1p.
GRUPI F: Manchester United 7p, Villarreal 7p, Atalanta 5p, Young Boys 3p.
GRUPI G: Salzburg 7p, Lille 5p, Wolfsburg 5p, Sevilla 3p.
GRUPI H: Juventus 12p, Chelsea 9p, Zenit 3p, Malmo 0p.
