TRANSFER
Pas 9 viteve largohet nga Vëllaznimi
26 January, 2020 @10:40
Pas 9 viteve karrierë te skuadra e qytetit të lindjes, Lorik Rudi që nga stinori pranveror nuk do të jetë më pjesë e Vëllaznimit.
Lojtari në fjalë karrierën do ta vazhdojë te skuadra e Onixit, që sikurse Vëllaznimi, garon në Ligën e Parë të Kosovës në futboll.
Rudi, që luan si mbrojtës dhe mesfushor i krahut, skuadrën e tij të re e gjen në vendin e gjashtë, 4 pikë larg vendit që ngjitet në Superligë, kurse Vëllaznimi, që dje filloi stërvitjet për stinorin pranveror, në stinorin e ri hyn i papërforcuar gjatë dimrit, ndërkohë që ndodhet në pozitat që rrezikojnë rënien në Ligë të Dytë.
