Pele flet gjepura!

Legjenda e klubit napolitan, Diego Maradona, që aktualisht gjendet në Napoli për t’i sqaruar disa akuza që i ka bërë shteti italian për tatimet në kohën kur ka qenë pjesë e Napolit, nuk ka ngurruar të  thumbojë legjendën braziliane, Pele. 

“Ai flet gjepura kur i merr hapat e gabuara. Unë jam më i miri i të gjitha kohërave. Pse po më krahasoni me Pele-në?! Nëna gjithmonë më ka thënë se ai ka luajtur me futbollistë që nuk kanë lëvizur në fushë,” ka thënë legjenda argjentiase.

“Messi?! Vështirë se e preku topin në ndeshje ndaj Milanit, por është shumë futbollist i madh. Sidoqoftë, unë jam më i mirë edhe se ai,” ka shtuar Maradona, pas pyetjes që i bënë gazetarët për aktualisht futbollistin më të mirë në botë, Liones Messi.