Pellegrini: Celina ka të ardhme

Bersant Celina, talenti kosovar që luan për ish kampionin e Anglisë, Manchester City, ka të ardhme të madhe. 

Këto janë fjalët e trajnerit të Manchester Cityt, Manuel Pellegrini, nga konferenca për shtyp e skuadrës në fjalë që aktualisht po kryen fazën përgatitore në Australi, ku është edhe lojtari në fjalë. 

“Celina është ndër dhjetë lojtarët e rinj që janë në përgatitje para edicionit të ri të garave në Premier League. Ai ka ushtruar me ekipin një kohë të gjatë dhe e njoh si lojtar. Ai është lojtar i mirë dhe ka të ardhme të madhe,” ka thënë Pellegrini ndër të tjera, transmeton faqja zyrtare e klubit anglez fjalët e trajnerit. 

Bersanti është futur për 17 minuta në ndeshje ndaj Adelaide United, ndërsa mund të fitojë rastin që të paraqitet edhe në ndeshjen e radhës për Cityn, që e luajnë ndaj Romës.