ERIC ABIDAL
Pensionohet Abidal
19 December, 2014 @16:04
Eric Abidal ka njoftuar zyrtarisht se ka vendosur të pensinohet nga futbolli.
Futbollisti françez i Olympiakosit ndeshjen e tij të fundit në karrierë do ta luajë këtë vikend kundër skuadrës Kalloni, në kuadër të kampionatit grek.
Abidal ka zbuluar se ka marrë oferta nga Olympiakosi dhe ish skuadra e tij, Barcelona, për të qenë pjesë e udhëheqësisë së këtyre skuadrave, mirëpo 35 vjeçare shtoi se ende nuk ka vendosur për këtë.
“Kam pasur shumë momente të mira në karrierë. Dy muaj më parë, unë kam biseduar me presidentin dhe i kam thënë atij se në dhjetor do të vije koha për pensionimin tim. Do të relaksohem me familjen time dhe me shokët. Kam marrë dy oferta nga Olympiakosi dhe Barcelona. Do të mendojë për këtë dhe më pas do të vendosi,” tha Abidal.
Abidal gjatë karrierës së tij ka luajtur për Olympiakosin, Monacon, Barcelonën, Lyonin, Lille-in, dhe Lyon la Duchere.
