JOSEP GUARDIOLA
Pep do të riun më të mirë te City
25 April, 2017 @9:31
Trajneri i Manchester Cityt, Josep Guardiola, është duke e kërkuar mesfushorin e ri të Tottenham Hotspurit, Dele Alli!
Kështu ka shkruar sot The Sun, ndërsa ka bërë të ditur se këto fjalë i kanë ‘rrjedhur’ gazetës nga Xavi Hernandez, ish-bashkëlojtar i Guardiolës te Barcelona!
Bamidele Alli, që me të 11-tin e këtij muaji mbushi të 21-tat (i lindur më: 11 prill 1996) është shpallë dy herë radhazi lojtari më i mirë i ri në Premier Ligë.
Ai këtë stinor po luan me statistika të jashtëzakonshme te Tottenham, ndërsa ka shënuar edhe 16 gola për ekipin e tij vetëm në Premier Ligë.
Stinorin e kaluar ka luajtur 33 ndeshje dhe ka shënuar 10 gola në Premier Ligë. Njashtu, është i rregullt në reprezentacionin e Anglisë. Guardiola me transferimin e tij pritet të thyejë rekordin botëror të dëmshpërblimeve!
