DIEGO SIMEONE
Harxho sa të duash, vetëm eja!
25 April, 2017 @9:17
Shkurt e shqip, kjo është oferta e fundit e Interit që i është bërë trajnerit të Atletico Madridit, Diego Simeone!
Së paku kështu ka shkruar sot në ballinë Corriere dello Sport, ndërsa pronarët kinezë të neroazzurrëve nga Milanoja i kanë ofruar 4 vite kontratë me çek të hapur për harxhime Simeones.
Qëllimi është që të ndërtohet një Inter i fortë dhe stabil, ndërsa pronarët e rinj të klubit ia kanë gjuajtur topin Simeones për të vendosur.
Simeone 46 vjeç përndryshe prej dhjetorit të vitit 2011 është duke punuar si trajner i Atletico Madridit.
Simeone si lojtar ka qenë pjesë e Interit në periudhën 1997-99 ku ka regjistruar 57 paraqitje dhe ka shënuar 11 gola. Interesant është fakti se edhe atëherë, Inter e kishte blerë atë nga Atletico Madrid!
