Për shëtitje në Vicente Calderon

Real Madrid ka bërë një hap të madh drejt finales së Copa Del Rey duke e mposhtur mbrojtësin e titullit Atletico Madrid 3-0 në ndeshjen e parë të përfunduar pak më parë në Santiago Bernabeu. 

Vendasit kanë marrë epërsinë pak me fat kur një top i Pepes, u devijua nga Emiliano Insua që bëri të mashtrohet Thibaut Courtois. 

E më pas djelmoshat e Carlo Ancelottit dyfishuan epërsinë në fillim të pjesës së dytë kur Angel Di Maria me një pasim mjeshtëror hodhi talentin Jese Rodriguez para portierit për 2-0. 

Komandimi i ndehsjes nga ana e los blanocsve u vulos në minutën e 73-të të takimit kur shuti i Di Marias u devijua nga Joao Miranda për rezultatin përfundimtar 3-0. 

Të martën tjetër, vështirë se Atletico Madrid do të mund të përmbys një mal të tërë golash në Vicente Calderon të pranuar sot në Santiago Bernabeu.