Përcaktohen çerekfinalistët në Copa America’21

Me përfundimin e ndeshjeve të Grupit A në mëngjesin e sotëm ku Argjentina mposhti Bolivinë 4-1, ndërsa Uruguaji Paraguajin 1-0, janë përcaktuar edhe çerekfinalistët e Copa America 2021.

Kështu, prej 2 korrikut do të fillojnë duelet e fazës knockout, ku në Rio do të ndeshen Brazili-Kili, ndërsa në Goiania Peru-Paraguaji.

Në këndin tjetër të skemës çerekfinale, Argjentina-Ekuadori njëjtë në Goianaia më 3 korrik, ndërsa Uruguaji-Kolumbia më 3 korrik në Brasilia.

Nëse dy kombëtaret e mëdha të Amerikës Latine, Argjentina e Brazili nuk gabojnë rrugës, do të mund të takohen vetëm në finale të garës.

Në anën tjetër, të dyja do të kenë punë të vështira, pasi që Argjentinën e pret fituesi i Uruguaj-Kolumbia, në rast se kalojnë në gjysmëfinale, kurse Brazili veçse e ka kolosole përballjen me Kilin, për të pritur potencialisht fituesin e Peru-Paraguaj në gjysmëfinale.