Përcaktohet kundërshtari i Ballkanit në Play Off të Conference League

Është përcaktuar kundërshtari i Ballkanit për fazën Play Off të UEFA Conference League, faza e fundit para fazës grupore të kësaj gare.

Në Play Off Ballkani do të përballet me skuadrën bjelloruse BATE, e cila sonte u eliminua nga Europa League nga skuadra moldave e Sheriff Tiraspolit.

Ndeshjet e Play Off-it do të luhen më datat 24 dhe 31 gusht. Nëse Ballkani e kalon BATE-n, do të luajë për të dytin sezon me radhë në fazën grupore të UEFA Conference League.

Ballkani eliminoi Lincolnin në raundin e tretë kualifikues për Ligë të Konferencës.