Përjashtim për simuluesit

I frustruar nga simulimet e shpeshtuara kreu i FIFA-së, Sepp Blatter, ka kërkuar që të shqyrtohet idea për t’i përjashtuar nga ndeshja futbollistët të cilët bëjnë këtë gjest aspak sportiv. 

‘Tepër irrituese’ e ka quajtur Blatter simulimin dhe ka kërkuar që të bëhet një përjashtim nga ndeshja për lojtarin. Përjashtimi do të duhej të ishte disaminutësh, derisa të shihet ndikimi dhe lojtari të kuptojë se çfarë dëmi i ka shkaktuar ekipit të tij me tentim-mashtrimin. 

‘Loja më së shumti ndalet gjatë simulimit sot. Minuta të humbura në fushë, nëse llogariten, janë më të mëdha nga simulimi sesa nga faulimet e vërteta’ ka shkruar në kolumnen e tij Blatter përcjell BBC. 

Së fundi braziliani Oscar i Chelseat kishte simuluar dhe ishte ndëshkuar nga gjyqtari i ndeshjes, derisa futbollistin e kritikoi edhe trajneri i vetë Jose Mourinho. 

Për më tepër, mesfushori kosovar i Manchester United, Adnan Januzaj, me vetëm 18 vjetët e tij, prej 5 kartonëve të verdhë të stinorit, tre të tilla i ka marrë për simulim dhe po kritikohet shumë nga mediat angleze. 

SIMULUESIT, nga gushti 2008

EKIPET SIMULUESE, nga gushti 2008