Tottenham prish ëndrrat e Manchesterit

Manchester United ia nisi vitit me humbje. Djajt e kuq janë mposhtur nga Tottenham Hotspur në Old Trafford 1-2. 

Kjo ka qenë humbja e parë e Manchester Unitedit pas gati një muaji, kur u mposhtën pikërisht në Old Trafford nga Newcastle United. 

Tottenhami në anën tjetër me trajnerin e ri, Tim Sherwood, po jep shenja këndelljeje, ndërsa rikthimi i dy sulmuesve në 11-she po tregohet i vlefshëm për ekipin nga veriu i Londrës. 

Tottenham po vazhdon ringjalljen pasi që kjo është ndeshja e tyre e katërt pa humbje, ku kanë shënuar tre fitore e një barazim. E sot njeriu i ndeshjes ka qenë Cristian Eriksen, që asistoi në golin e parë të Emmanuel Adebayorit, ndërsa ka shënuar vetë në pjesën e dytë për 0-2, përkundër se Danny Welbeck uli epërsinë shpejtë pas asistimit të kosovarit Adnan Januzaj në 1-2. 

Në fund, heroik u tregua edhe portieri françez i londinezëve, Hugo Lloris, i cili ka bërë disa pritje maestrale për ti siguruar fitoren e dytë me radhë ekipit, ndërsa të parin në vitin 2014. 

Me këtë fitore Tottenham ka ndërruar pozitat me Manchester Unitedin në tabelë, pasi që ka kaluar në vendin e gjashtë, e ka rrëzuar ekipin e David Moyesit në të shtatin. 

Manchester United është tani 11 pikë larg liderit të tabelës Arsenal. 

Rezultatet dhe tabela aktuale.

FAKT: