ARSENAL-SWANSEA
Përjashtohet Xhaka, fiton Arsenali
15 October, 2016 @17:53
Me fitoren e Arsenalit u mbyll një ditë jo e mirë e Granit Xhakës, i cili ishte njëri nga protagonistët kryesorë të takimit të sotëm që londinezët e zhvilluan ndaj Swanseat në shtëpi.
Xhaka fillimisht ishte fajtor për pranimin e golit të parë të Arsenalit, kur e humbi topin afër zonës së vet, ndërsa gjërat u përkeqësuan në minutën e 70’, kur Graniti u përjashtua direkt me karton të kuq.
Gjithsesi, paraqitja e Granitit nuk luajti rol në rezultatin final të takimit, me Arsenalin që mbi të gjitha e arriti fitoren ndaj Swanseat.
Sa i përket Shkodran Mustafit, ai luajti për 90 minuta dhe e goditi shtyllën në pjesën e parë.
Me këtë fitore, Arsenali barazon pikët me Cityn dhe lufta për titull vazhdon të bëhet gjithnjë e më interesante.
FAKT
| Granit Xhaka sot u ndëshkua me kartonin e 8 të kuq në 3 sezonet e fundit. Lojtari me më së shumti kartona të kuq në 5 ligat evropiane. |
