Pirlo vazhdon ëndrrën

Një gjuajtje e lirë - përsëri - nga Andrea Pirlo ka vendosur duelin e së tetës së finales ndërmjet Fiorentinës dhe Juventusit të zhvilluar në Artemio Franchi. 

Bianconerët kështu kanë siguruar çerekfinalen e Europa League, derisa ëndrra e tyre për të luajtur finalen e kësaj gare në stadium të vetin, po vazhdon. 

Kampionit të Italisë i duhej patjetër goli, pasi që me rezultat 0-0, Fiorentina do të ecte përpara në saj të rezultatit të ndeshjes së parë 1-1 në Juventus Arena. 

Por, Pirlo mjeshtërisht u përkujdes që të eliminojë Fiorentinës entuziaste të Vincenzo Montellas, që 20 minutat e fundit i luajti me një lojtar më pak pas ndëshkimit me karton të kuq, pas dy të verdhave, të qendërmbrojtësit Gonzalo Rodriguez.