Turqia mundohet ta bind Januzajn

Përfaqësuesja e Turqisë po vazhdon përpjekjet e saj për ta sjellur në radhët e veta talentin shqiptar të Manchester Unitedit, Adnan Januzajn.

Në lidhje me Januzajn, ka folur vetë përzgjedhësi i Turqisë, Fatih Terim, i cili pranoi se janë duke punuar në këtë drejtim.

“Kryetari i federatës, kryesia dhe unë, që nga dita e parë jemi duke punuar për ta sjellur Adnan Januzajn në përfaqësuese, pasi që ai ka edhe prejardhje turke,” tha Terim në një intervistë për kanalin televiziv, NTV Spor.

Siç dihet, Januzaj ende nuk zgjedhur se cilin shtet do ta përfaqësojë në të ardhmen. Përveç Turqisë, në garë për të janë edhe Kosova, Shqipëria, Anglia dhe Belgjika.