Robben vazhdon me Bayernin

Ylli holandez i Bayern Munchen, Arjen Robben, ka vazhduar kontratën e tij me klubin bavarez ka njoftuar ekipi i tij sot. 

Robben që shënoi golin vendimtar në finale të Ligës së Kampionëve stinorin e kaluar ndaj Borussia Dortmundit ka nënshkruar kontratë me bavarezët deri në qershor të vitit 2017. 

“Jam i lumtur pasi që nënshkrova kontratë të re dhe shpresoj të vazhdoj me trofe bashkë me ekipin në vitet e ardhshme,” ka thënë 30 vjeçari Robben në konferencën për media gjatë nënshkrimit të kontratës me kampionin aktual të Botës, Bayern. 

Bayern është në rrugë të mirë që edhe sivjet të përsërisë sukseset e stinorit të kaluar pasi që po marshojnë me hapa të sigurta si në Gjermani ashtu edhe në Europë.